कोरोना भाइरस (कोभिड–१९) बाट  दैनिक मृत्यु हप्ताभरिकै न्यून भएको छ। आइतबार अबेर रातसम्ममा स्पेनमा २८८ जनाले ज्यान गुमाएका छन्।

यससँगै स्पेनमा कोरोना संक्रमणबाट ज्यान गुमाउनेको संख्या २३ हजार १९० पुगेको छ। त्यस्तै २ लाख २६ हजार ६२९ मा संक्रमण पुष्टि भएको छ। अमेरिकामा गत २४ घण्टामा १ हजार १५६ ले कोरोना संक्रमणका कारण ज्यान गुमाएका छन्। यससँगै अमेरिकामा ज्यान जानेको संख्या ५४ हजार ८४१ पुगेको छ। त्यस्तै ९ लाख ६४ हजार ९३७ जनामा संक्रमण पुष्टि भएको छ।

संक्रमण र मृत्युदर घटेको इटालीमा गत २४ घण्टाभित्र २६० जनाको कोरोना संक्रमणबाट ज्यान गएको छ। त्यस्तै थप २ हजार ३२४ मा संक्रमण पुष्टि भएको छ। यससँगै इटालीका १ लाख ९७ हजार ६७५ जना संक्रमित भइसकेका छन्। जसमध्ये ६४ हजार ९२८ निको भएर घर फर्किएका छन्।

यसैगरी बेलायतमा कोरोनाबाट मृत्यु हुनेको संख्या २० हजार ७९४ पुगेको छ। गत २४ घण्टाभित्र त्यहाँ ४१३ जनाले ज्यान गुमाएका छन्। त्यस्तै हालसम्म १ लाख ५४ हजार ३७ मा संक्रमण पुष्टि भइसकेको छ।